NU'EST Boy Band မှ Aron ရဲ့ အင်တာဗျူး

မြနေရိပ်သွင်

Aron ဟာ တောင်ကိုရီးယား နိုင်ငံရဲ့ Boy Band ဖြစ်တဲ့ NU'EST အဖွဲ့ဝင်တစ်ယောက် ဖြစ်ပါတယ်။

အဖွဲ့ ထဲမှာ အသက်အကြီးဆုံး ဖြစ်ပြီး အမေရိကန် နိုင်ငံမှာ မွေးဖွား ကြီးပြင်းတဲ့ ကိုရီးယားလူမျိုး ဖြစ်ပါတယ်။ Aron ရဲ့ အင်တာဗျူးလေးကို စာဖတ်ပရိသတ်တွေ ခံစား ကြည့်ပါဦး နော်။

မေး။   ။ အရင်ဆုံး ကိုယ့်ကိုယ်ကိုယ် မိတ်ဆက် ပေးပါဦး။

ဖြေ။    ။ မင်္ဂလာပါ။ ကျွန်တော့်နာမည်က Aron လို့ ခေါ်ပါတယ်။ နာမည် အရင်းကလည်း Aron ပါ။ အဖွဲ့ထဲမှာ အသက် အကြီးဆုံးဖြစ်တဲ့ အစ်ကိုကြီး တစ်ယောက်ပါ။ အဖွဲ့ထဲမှာတော့ အဆိုရှင်နဲ့ ရက်ပ်စာသား ကို သီဆိုဖို့ တာဝန် ယူထားရ ပါတယ်။

မေး။   ။ ရက်ပ်နဲ့ အဆို နှစ်ခုထဲမှာ ဘယ်ဟာကပိုပြီး Aron ရဲ့စိတ်ကို ယုံကြည်မှု ဖြစ်ပေါ်စေ သလဲ။

ဖြေ။    ။ ရက်ပ်စာသားကို သီဆိုရတာ ကိုယ့်ကိုယ်ကိုယ် ပိုပြီး ယုံကြည်မှု ရှိပါတယ်။

မေး။   ။ Aron ရဲ့ထင်ထင်ရှားရှား ဆွဲဆောင်မှုရှိတဲ့ အချက်က ဘာဖြစ်မယ် ထင်လဲ။

ဖြေ။    ။ ကျွန်တော် USA မှာနေတုန်းက ကျောင်းစာကို ကြိုးကြိုးစားစား လုပ်တယ်။ စာကြိုးစားပေမဲ့ smart ကျတဲ့သူ တစ်ယောက်တော့ မဟုတ်ဘူးပေါ့နော်။ အခုလက်ရှိ ကိုရီးယားမှာ ရှိနေတဲ့ အချိန်မှာလည်း smart ကျကျ နေတတ်တဲ့သူ တစ်ယောက် မဟုတ်သေးပါဘူး။ နောက်ပြီး ကျွန်တော့်ရဲ့ ကိုရီးယား စကားပြော လေယူလေသိမ်းကလည်း ညံ့ပါသေး တယ်။ အခုလက်ရှိတော့ ကိုရီးယား ဘာသာစကားကို အကောင်းဆုံး သင်ယူ နေပါတယ်။

မေး။   ။ Aron က NU’EST အဖွဲ့ထဲမှာ အသက် အကြီးဆုံးနော်။ NU’EST အဖွဲ့သား ညီလေးတွေ အတွက် Aron က ဘယ်လို အစ်ကိုကြီးမျိုး ဖြစ်မလဲ။

ဖြေ။    ။ပထမဦးဆုံး အဖွဲ့ဝင် ညီလေးတွေကို မြင်ရတာ ကျွန်တော့်ကို စိတ်ချမ်းသာ စေပါတယ်။ အသက် အရွယ် အရ အစ်ကိုကြီး တစ်ယောက် ဖြစ်ပေမဲ့ ညီလေးတွေကို သူငယ်ချင်းလို ဆက်ဆံရတာ ကျွန်တော့် အတွက် သက်သောင့် သက်သာ ဖြစ်စေပါတယ်။ ကျွန်တော်က အဖွဲ့ထဲမှာ အသက်အကြီးဆုံး ဆိုပေမဲ့ ကိုရီးယား စကား ကောင်းကောင်း မပြောတတ်တော့ ကျွန်တော့်ကို နေ့တိုင်း ဟာသ လုပ်ကြတယ်လေ။ မကြာခဏ စတတ် နောက်တတ် ကြတယ်။

မေး။   ။ Aron က အမေရိကန် နိုင်ငံမှာ မွေးတဲ့ ကိုရီးယား လူမျိုးနော်။ အခုအချိန်မှာ ကိုရီးယားကို ပြန်လာပြီး အနုပညာ အလုပ်တွေ လုပ်ရတော့ ခက်ခဲမှုတွေ ရှိမှာပေါ့။

ဖြေ။    ။ ကျွန်တော် အလယ်တန်း ကျောင်းသား ဘဝတုန်းက ကိုရီးယားကို ခဏ လာလည်ဖူးတယ်။ အခုကျ တော့ အလည်သဘောမျိုး မဟုတ်ဘဲ အနုပညာ အလုပ်တွေလုပ်ဖို့ ကိုရီးယားမှာ နေထိုင်ရတာ ပေါ့နော်။ ကိုရီးယား မှာ နေထိုင်ရတာ ကျွန်တော့်အတွက် အဓိက ပြဿနာကတော့ ဘာသာ စကားပါပဲ။ ကျွန်တော်က ကိုရီးယား စကား ကို ကောင်းကောင်း နားမလည်ဘူး။ ဒီမှာရှိတဲ့ သူတွေရဲ့ စကားကို သိပ် နားမလည်တော့ စကားပြောတဲ့ နေရာမှာ ခက်ခဲပါတယ်။ အထူးသဖြင့် အဖွဲ့ဝင်တွေ ကျွန်တော့်အနားမှာ မရှိတဲ့အချိန် အကူအညီ ပေးသူမရှိလို့ အခြားသူတွေနဲ့ စကားပြောရတာ ဘာသာစကား အခက်အခဲကြောင့် အခန်းထဲမှာ ဘယ်သူမှ မသိအောင် တစ်ယောက်တည်း ငိုရတဲ့ အချိန်တွေ ရှိခဲ့ပါတယ်။

မေး။   ။ အခု လက်ရှိအချိန် ကိုရီးယားမှာ နေထိုင်ရတဲ့ နေ့စဉ်ဘဝကို ဘယ်လို ဖြတ်သန်းလဲ။

ဖြေ။    ။ကျွန်တော် ကိုရီးယား စရောက်တုန်းက ဘာမှကို နားမလည်တာပါ။ တစ်ယောက်က တစ်ခုခု ပြောလိုက်ရင် ကျွန်တော် ပြန်ပြောတာက OK ပဲ။ ကြာလာတော့ ကျွန်တော်က OK man ဖြစ်လာတယ်။ အခု ကိုရီးယားမှာ နေလာတာ အချိန် နည်းနည်းကြာလာတော့ အချို့အရာတွေကို သိလာပြီ။ နေရာတိုင်းမှာ OK လို့ ပြောပြီး ခေါင်း မညိတ်တော့ဘူး။ (ရယ်လျက်)

မေး။   ။ Aron က NU’EST အဖွဲ့ရဲ့ခေါင်းဆောင် JR ထက် အသက်ကြီးတယ်နော်။ ကိုယ့်ထက် အသက် ငယ်တဲ့သူက Leader ဖြစ်နေတော့ စိတ်ထဲမှာ မကျေနပ်တာမျိုး ရှိလား။

ဖြေ။    ။ လုံးဝ မရှိပါဘူး။ အဖွဲ့ထဲမှာ အသက်အကြီးဆုံး ဖြစ်ပေမဲ့ ခေါင်းဆောင်ဖြစ်သူ JR နဲ့လည်း ပြဿနာ ဖြစ်တာမျိုး မရှိပါဘူး။ ကျွန်တော်က US မှာ ကြီးပြင်းလာတဲ့သူ ဆိုတော့ အသက်ငယ်တယ်၊ ကြီးတယ်ဆိုတဲ့ ကန့်သတ်ချက်မျိုး ကျွန်တော့်မှာ မရှိဘူး။ အဖွဲ့သား အားလုံးကို ခင်မင်ရင်းနှီးစွာနဲ့ သူငယ်ချင်းလိုပဲ နေထိုင်ပါ တယ်။

မေး။   ။ NU’EST တို့အဖွဲ့ ပထမဦးဆုံး စတိတ်ခ်ျပေါ်မှာ ထွက်ပေါ်လာခွင့် ရတဲ့အချိန်က ရင်ထဲမှာ ဘယ်လို ခံစားရလဲ။

ဖြေ။    ။ အမေက USA ကနေလာပြီး ကျွန်တော့်ရဲ့ တင်ဆက်မှုတွေကို ကြည့်တယ်။ အမေ့ကို မြင်နေရတော့ အရမ်းကို စိတ်လှုပ်ရှားတယ်။ ကျွန်တော့်ရဲ့ အနုပညာ တင်ဆက်မှုတွေကို ကြည့်ပြီး ပျော်လည်း ပျော်တယ်။ ဂုဏ်လည်း ယူတယ် လို့ အမေက ပြောတယ်။ အဲဒီအချိန်က ခံစားချက်ကို ပြောဆိုစရာ စကားလုံး မရှိဘူး။ ပင်ပန်းနေပေမဲ့ ပျော်ရွှင်မှုတွေဟာ စကားနဲ့တောင် နှိုင်းယှဉ်ပြီး ပြောလို့ မရအောင် အတိုင်း မသိပါပဲ။        ။       

ကိုယ့်ဘဝအတွက် စိန်ခေါ်မှု တစ်ခုပါပဲဆိုတဲ့ ရုပ်ရှင်အစည်းအရုံး ဥက္ကဌ အကယ်ဒမီ ဦးလူမင်း

ကိုယ့်ဘဝအတွက် စိန်ခေါ်မှု တစ်ခုပါပဲ ဆိုတဲ့ရုပ်ရှင် အစည်းအရုံး ဥက္ကဋ္ဌ အကယ်ဒမီ ဦးလူမင်း ''ကိုယ့် ဘဝ အတွက် စိန်ခေါ်မှု တစ်ခုပါပဲ။ ဘာဖြစ်လို့လဲ ဆိုတော့ တစ်ဖက်ကလည်း ဒီအနုပညာ အလုပ်တွေ လုပ်နေ ရတော့ ဒါကို ငါလုပ်နိုင်ပါ့မလားပေါ့။ ဒါပေမဲ့ အခြေအနေနဲ့ အချိန်အခါအရ ကိုယ်လုပ်မှ ဖြစ်မယ် ဆိုတာသွား တွေ့တော့ ကိုယ်ဖြစ်အောင် လုပ်မယ်ဆိုပြီး ဒီတာဝန်တွေ ယူခဲ့တာပါ။ အဲဒီတော့ ဒါက ကိုယ့်ရဲ့စိန်ခေါ်မှု တစ်ခုပါပဲ။

ကိုယ့် အနေနဲ့ကလည်း ကိုယ့်စီးပွား ကိုယ်ရှာ ကိုယ့်ထမင်း ကိုယ်စားပြီး ဘယ်သူမ ဆို အေးအေးဆေးဆေး နေချင်ကြတာ ကြီးပါပဲ။ ဥက္ကဋ္ဌ နေရာ ဆိုတာကလည်း လူတိုင်း သိပါတယ်။ ဒါ အများအတွက် လုပ်ပြီး ပြောဆို ဝေဖန်ခံရတဲ့ နေရာပေါ့။ တစ်နည်းပြောရင် အကောင်း အပြောခံ ရတဲ့ နေရာမဟုတ်ပါဘူး။ ဒါပေမဲ့ လည်း ကိုယ် အရိုးသားဆုံးပဲ လုပ်မယ်။ အဲ့လိုလေး လိပ်ပြာသန့်နေမှ ကိုယ်လုပ်တဲ့ လုပ်ငန်းအပေါ် ယုံကြည် မှုရှိမှာပေါ့။ ကိုယ် အဲဒီအတိုင်းပဲ သွားမှာပါ။ ကိုယ့်ပရိသတ် ကို ပြောချင်တာက ''ကိုယ်ဒီလို အလုပ်တွေ  လုပ်နေရလို့ ကိုယ့်ရဲ့ အနုပညာ ပိုင်းတွေကို လျော့သွားမှာ မစိုးရိမ်ပါနဲ့၊ ကိုယ် နှစ်ဆပိုပြီး ဂရုစိုက် လုပ်ထား ပါတယ်'' လို့ ပြောပြ ပေးခဲ့ သည်။       ။                  

ကောင်းကင်

ဆီးရီးယား အရေးတွင် စစ်ရေးအရ ဝင်ရောက် စွက်ဖက်ခြင်းနှင့် စပ်လျဉ်း၍ ဒေးဗစ် ကင်မရွန်းအား သတိပေး ပြောကြား

လန်ဒန်   ဇွန်   ၁၇

ဗြိတိန် ညွန့်ပေါင်း အစိုးရသည် ယခုအခါ စစ်အင်အားကို လျှော့ချလျက်ရှိ သောကြောင့် ဆီးရီးယား နိုင်ငံ၏ ပြည်တွင်းစစ်တွင် စစ်ရေးအရ ဝင်ရောက်စွက် ဖက်ရန် မစဉ်းစား သင့်ကြောင်း ကွန်ဆာဗေးတစ် လွှတ်တော်

အမတ်များနှင့် အငြိမ်းစား အရာရှိများက ဇွန် ၁၆ ရက်တွင် ဗြိတိန် ဝန်ကြီးချုပ် ဒေးဗစ် ကင်မရွန်းအား သတိပေး ပြောကြားခဲ့သည်ဟု သိရသည်။

ဆီးရီးယား အစိုးရအား တိုက်ခိုက် လျက်ရှိသည့် အတိုက်အခံများကို လက်နက် ထောက်ပံ့ပေးမည့် ဝန်ကြီးချုပ်၏ အစီအစဉ်သည် ဗြိတိသျှ စစ်တပ်အား အရှေ့ အလယ်ပိုင်း ဒေသရှိ အခြားစစ်ပွဲ တစ်ပွဲ အတွင်းသို့ ဆွဲသွင်းစေမည့် လမ်းစပင်ဖြစ်ကြောင်း လွှတ်တော်အမတ်များနှင့် အငြိမ်းစားအရာရှိများက ပြောကြားခဲ့သည်။ ဝန်ကြီးချုပ် ကင်မရွန်း အနေဖြင့် ဆီးရီးယား အတိုက်အခံများထံ လက်နက်ခဲယမ်းများ ထောက်ပံ့နိုင်ရေး အတွက် လွှတ်တော်အား တောင်းဆိုရန် ယခုလ အစောပိုင်းက ကွန်ဆာဗေးတစ် လွှတ်တော်အမတ် ၈၂ ဦးက ၎င်းထံသို့ စာရေးသား ပေးပို့ခဲ့သည်။ ထို့ပြင် အတိုက်အခံများအား လက်နက် ထောက်ပံ့မည့် အမေရိကန် အစိုးရ၏ အစီအစဉ်အား ထောက်ခံရန် မကြာမီကျင်းပမည့်G 8 ဆွေးနွေးပွဲတွင် အဖွဲ့ဝင် နိုင်ငံများအား စည်းရုံးသွားမည်ဟု ၎င်းက ပြောကြား ခဲ့သည်ဟု သိရသည်။ တစ်ချိန်တည်းမှာပင် ဆီးရီးယား ပြည်တွင်းစစ်တွင် အတိုက်အခံ တပ်ဖွဲ့များအား  စစ်ဘက်ဆိုင်ရာ အကူအညီများကို တိုက်ရိုက် ပေးအပ်သွားမည်ဟု ဆိုရာတွင် ဆီးရီးယား ပြည်တွင်းစစ်သို့ အမေရိကန်မှ တပ်ဖွဲ့ဝင်များ ပေးပို့သွားမည်ဟု မဆိုလိုကြောင်း၊ မိမိတို့ အနေဖြင့် ဆီးရီးယား ပြည်တွင်းစစ်တွင် ပါဝင်သွားမည် မဟုတ်ကြောင်း အမေရိကန် ပူးတွဲ စစ်ဦးစီးချုပ် ဒန်းနစ်မက်ဒိုနက်က အစောပိုင်းတွင် ပြောကြားခဲ့သည်။    

ဆန္ဒပြမှုများ အကြမ်းဖက် အသွင် ကူးပြောင်းပါက အရေးယူ ခံရမည်ဟု မျက်နှာဖုံးဖြူတပ် ဆန္ဒပြ သူများအား ဖြူထိုင်း ပါတီက သတိပေး ပြောကြား

ဗန်ကောက်   ဇွန်   ၁၇

ထိုင်းနိုင်ငံရှိ မျက်နှာဖုံးဖြူများ တပ်ဆင်ထားသော ဆန္ဒပြသူများ အပါအဝင် အစိုးရ ဆန့်ကျင်ရေး ဆန္ဒပြသူများ အနေဖြင့် လူထုစုရုံးမှုများမှ တစ်ဆင့် အကြမ်း ဖက်မှုများအဖြစ် အသွင်ပြောင်း လဲစေရန် လုပ်ဆောင်လာပါက တရားဥပဒေ အရ အရေးယူ ခံရမည် ဖြစ်ကြောင်း ဖြူထိုင်းပါတီက သတိပေး ပြောကြားခဲ့သည်ဟု ဇွန် ၁၆ ရက် Bangkokpost သတင်းတစ်ရပ်အရ သိရသည်။ မျက်နှာဖုံးဖြူများ တပ်ဆင်ထားသော ဆန္ဒပြသူများနှင့် အစိုးရအား ထောက်ခံသော ရှပ်နီ ဝတ်များအကြား ဇွန် ၁၄ ရက်တွင် ပဋိပက္ခ ဖြစ်ပွားခဲ့ပြီးနောက် ဖြူထိုင်းပါတီ လက်ထောက် ပြောရေးဆို ခွင့်ရှိသူ အာနူဆန် အီအမ်ဆာအက်၏ သတိပေး ပြောကြားမှု ထွက်ပေါ်လာခြင်း ဖြစ်သည်။  အဆိုပါ ပဋိပက္ခသည် အင်အား ၅ဝ ရှိ မျက်နှာဖုံးဖြူ တပ်ဆင်ထားသော ဆန္ဒပြသူများနှင့် အင်အား ၁ဝဝ ခန့်ရှိ ရှပ်နီ ဝတ်များအကြား ဇွန် ၁၄ ရက် ဒေသစံတော်ချိန် ညနေ ၄ နာရီခွဲခန့်တွင် မြောင်ခရိုင်၌ ဖြစ်ပွားခဲ့ခြင်း ဖြစ်သည်။ ရှပ်နီဝတ်များသည် မျက်နှာဖုံးဖြူ တပ်ဆင်ထားသော ဆန္ဒပြသူများကို ရရာ ပစ္စည်းများဖြင့် ပစ်ပေါက်ခဲ့ပြီး မျက်နှာဖုံးဖြူများကိုင် ဆောင်ထားသည့် ''သက်ဆင် အစိုးရအား ဖြုတ်ချ''ဟူသော လက်ကိုင်ပိုစတာ များကို လွှင့်ပစ်ခဲ့ကြောင်း၊ ထို့နောက် ထိုးကြိတ် တိုက်ခိုက်မှုများ ဖြစ်ပွားခဲ့ကြောင်းနှင့် နောက်ပိုင်းတွင် လူစုကွဲ သွားခဲ့ကြောင်း သိရသည်။

အဆိုပါ မျက်နှာဖုံးဖြူ တပ်ဆင်ထား သူများသည် နိုင်ငံ၏မြို့တော် ဗန်ကောက်မြို့ရှိ  အချက်အချာ ကျသည့် မြို့လယ်ကောင်တွင် ဇွန် ၁၆ ရက်က ထပ်မံ ဆန္ဒပြခဲ့ကြောင်း သိရသည်။               

အင်ဒိုနီးရှား နိုင်ငံ တောမီးလောင်ကျွမ်းမှုမှ ပျံ့လွင့်လာသော မီးခိုးများ မလေးရှား နိုင်ငံတွင် ပိတ်ဖုံးလျက်ရှိ

ကွာလာလမ်ပူ  ဇွန်   ၁၇

မလေးရှား နိုင်ငံတွင် ဇွန် ၁၆ ရက်က အင်ဒိုနီးရှားနိုင်ငံ ဆူမားတြား ကျွန်းတွင် ဖြစ်ပွားခဲ့သော တော မီး လောင်ကျွမ်းမှုမှ ပျံ့လွင့်လာသော မြူများဖြင့် ပိတ်ဖုံး  လျက်ရှိကြောင်း သိရသည်။

မြူများပိတ်ဖုံးမှုသည် မေလမှ စက်တင်ဘာလအထိ မုတ်သုံရာသီ အတွင်း နှစ်စဉ် ဖြစ်ပွားနေကျ ဖြစ်ရပ် တစ်ခုဖြစ်ပြီး မြူများသည် မလေးရှားနိုင်ငံ မာလက္ကာ ရေလက်ကြား တစ်လျှောက် ဖုံးအုပ်လျက် ရှိသည်။ မလေးရှားနိုင်ငံ မာလက္ကာရေလက် ကြားဒေသနှင့် နိုင်ငံအကြီးဆုံး Part Klang ဆိပ်ကမ်းရှိ နေရာနှစ်ခု အပါအဝင် မလေးရှား နိုင်ငံရှိ ဒေသခြောက်ခုတွင် လေထုညစ်ညမ်းမှု အညွှန်းကိန်း ပမာဏမှာ ၁ဝ၁ မှ ၁၂၉ အထိရှိကြောင်း သိရသည်။ ကွာလာလမ်ပူ မြို့တွင်မူ လေထုညစ်ညမ်းမှု အညွှန်းကိန်းမှာ ၉၂ ရှိပြီး ၎င်းအညွှန်းကိန်းသည် ကျန်းမာရေး အတွက် အန္တရာယ်ရှိသည်ဟု သတ်မှတ်ထားသည့်   အဆင့်အောက် တွင် ရှိကြောင်း သိရသည်။ 

နော်ဝေနိုင်ငံတွင် စစ်မှု မထမ်းမနေရ ဥပဒေအရ အမျိုးသမီးများ စစ်မှု ထမ်းဆောင်တော့မည်

 

အော့စလို    ဇွန်    ၁၇

နော်ဝေနိုင်ငံတွင် စစ်မှုမထမ်း မနေရ ဥပဒေအရ အမျိုးသမီးများကို စစ်မှုထမ်းဆောင် စေရေးအတွက် ပါလီမန်တွင် မဲခွဲဆုံးဖြတ်ပြီး အတည် ပြုနိုင်ခဲ့ကြောင်း ဇွန် ၁၆ ရက်Reuters သတင်း တစ်ရပ်အရ သိရသည်။

ထို့ကြောင့် နော်ဝေနိုင်ငံသည် အမျိုးသား၊ အမျိုးသမီးမရွေး စစ်မှုမထမ်း မနေရ ဥပဒေအရ အမျိုးသမီးများအား စစ်မှုထမ်းဆောင် စေသည့် ပထမဆုံး NATO အဖွဲ့ဝင် နိုင်ငံတစ်နိုင်ငံ အဖြစ် ပေါ်ထွက် လာမည် ဖြစ်သည်။ စစ်မှု ထမ်းဆောင်ရာတွင် အမျိုးသား၊ အမျိုးသမီးမရွေး အခွင့်အရေးနှင့် တာဝန်များ တန်းတူရရှိမည် ဖြစ်ကြောင်း   အလုပ်သမားရေး ဆိုင်ရာ ဥပဒေပြုအမတ် လိုင်လာဂက်စ် စတက်ဗ်ဆင်က ပြောကြားခဲ့ သည်။ နော်ဝေနိုင်ငံသည် စစ်အေးတိုက်ပွဲ ပြီးဆုံးချိန် ကတည်းကစ၍ စစ်ဘက်အင်အားကို လျှော့ချမှုများ ပြုလုပ်ခဲ့သော်လည်း ခေတ်မီ တပ်မတော်အဖြစ် ရပ်တည်နိုင်ရေး အတွက် နည်းပညာပိုင်း ဆိုင်ရာနှင့် ပတ်သက်၍ အသုံးစရိတ်များ တိုးမြှင့်သုံးစွဲခဲ့သည်။ လက်ရှိ အချိန်တွင် နော်ဝေ စစ်ဘက်၌ အမျိုးသမီး စစ်မှုထမ်းများ ရှိသော်လည်း ၎င်းတို့မှာ မိမိ သဘော ဆန္ဒအလျောက်  စစ်မှုထမ်းဆောင် သူများ ဖြစ်ကြောင်း သိရသည်။               

အမေရိကန်နိုင်ငံ တစ်ဝန်း ပျံသန်းမည့် နောက်ဆုံး ခရီးစဉ်အတွက် နေရောင်ခြည် စွမ်းအင်သုံး လေယာဉ် ဝါရှင်တန်၌ ဆင်းသက်

ဝါရှင်တန်  ဇွန်  ၁၇

အမေရိကန် ပြည်ထောင်စုမှ နေရောင်ခြည် စွမ်းအင်သုံး လေယာဉ်တစ်စင်းသည်  စိန့်လူးဝစ်မြို့မှ ပျံသန်းခဲ့ပြီးနောက် နောက်ဆုံး ခရီးစဉ်ကို ဆက်လက် ပျံသန်းနိုင်ရန် အတွက် ဝါရှင်တန်မြို့သို့ ဇွန် ၁၆ ရက်က ဆင်းသက်ခဲ့ကြောင်း သိရသည်။

Solar Impulse အမည်ရှိ ၎င်းလေယာဉ်သည် ဝါရှင်တန်မြို့ ဒူလက်စ် အပြည်ပြည်ဆိုင်ရာ လေဆိ ပ်သို့ ဒေသစံ တော်ချိန် နံနက် ၁၂ နာရီ ၂၅ မိနစ် ခန့်က ဆင်းသက်ခဲ့ခြင်းဖြစ်ပြီး ၎င်း လေယာဉ်သည် နည်းပညာ စမ်းသပ်မှု များလုပ်ဆောင်ပြီးနောက် နယူးယောက်မြို့သို့ ဇူလိုင်လ အစောပိုင်း၌ စတင် ပျံသန်းသွားမည် ဖြစ်ကြောင်း တာဝန်ရှိသူများက   ထုတ်ပြန်ချက် တစ်ခု၌ ပြောကြားခဲ့သည်။ ထို့ပြင် ၎င်းလေယာဉ် သည် နိုင်ငံတစ်ဝန်း ပျံသန်းသည့် ခရီးစဉ်ကို အောင်မြင်စွာ အဆုံးသတ်နိုင် ခဲ့ပါက နေ့ရောညပါ ပျံသန်းနိုင်သည့် အမေရိကန် နိုင်ငံ၏ ပထမဆုံး နေရောင်ခြည် စွမ်းအင်သုံး လေ ယာဉ်တစ် စင်း ဖြစ်လာ မည်ဖြစ်ကြောင်း  သိရသည်။

အဆိုပါ လေယာဉ်သည် မေလ အစောပိုင်းတွင် နိုင်ငံတစ်ဝန်း ပျံသန်းသည့် ခရီးစဉ်၏ ပထမဆုံး ခရီးစဉ်အဖြစ် ဆန်ဖရန်စစ္စကိုမြို့မှ ဖီးနစ်မြို့သို့ ပျံသန်းခဲ့သည်။ ယင်းနောက်တွင် ဖီးနစ်မြို့မှ တက္က ဆက် ပြည်နယ်ရှိ ဒဲလက်စ် မြို့သို့လည်းကောင်း၊ ဇွန်လ အစောပိုင်းတွင် အဆိုပါမြို့မှ စိန့်လူးဝစ်သို့ လည်းကောင်း ပျံသန်းခဲ့ပြီး ယင်းမြို့မှ နာရီပေါင်း ၃ဝ နီးပါးကြာ ပျံသန်းခဲ့ပြီး ဝါရှင်တန်မြို့သို့  ရောက်ရှိလာ ခဲ့ခြင်း ဖြစ်သည်။               

အစ္စရေး နိုင်ငံတွင် နိုင်ငံတစ်ဝန်း စစ်ရေး လေ့ကျင့်မှု စတင်ပြုလုပ်

ဂျေရုဆလင်   ဇွန်   ၁၇

အစ္စရေး စစ်ဘက်သည် သီတင်းပတ် တစ်ပတ်ကြာမြင့်မည့် နိုင်ငံတစ်ဝန်း  စစ်ရေး လေ့ကျင့်မှု တစ်ရပ်အား ဇွန် ၁၆ ရက်က စတင်ခဲ့ကြောင်းသိရသည်။  အစ္စရေးလေတပ် အနေဖြင့် စစ်ရေး လေ့ကျင့်ခန်း အတွင်း၌ Iron Dome ဒုံးပျံကာကွယ်ရေး တပ်ခွဲများနှင့် အခြားလေကြောင်းရန် ကာကွယ်ရေး စနစ်များကို နိုင်ငံ ၏ နေရာအနှံ့ အပြားတွင် တပ်ဖြန့် ချထားသွားမည် ဖြစ်ကြောင်း အစ္စရေးစစ်ဘက်က ထုတ်ပြန် ကြေညာ ခဲ့သည်။ ၎င်းစစ်ရေး လေ့ကျင့်ခန်းသည် နှစ်စဉ်ပုံမှန် ပြုလုပ်မြဲ ဖြစ်သည့် စစ်ရေး လေ့ကျင့်ခန်း များအနက်မှ တစ်ခုဖြစ်ကြောင်း အစ္စရေး စစ်ဘက်၏ ပြောရေးဆိုခွင့် ရှိသူတစ်ဦးက  ပြောကြား ခဲ့သော်လည်း အသေးစိတ်ကိုမူ ထုတ်ဖော် ပြောကြားခဲ့ခြင်း မရှိကြောင်း သိရသည်။  အဆိုပါစစ်ရေး လေ့ကျင့်ခန်းသည် အစ္စရေး နိုင်ငံ၏ အကြီးစား စစ်ရေးလေ့ကျင့်    ခန်းများအနက် တစ်ခုအပါအဝင် ဖြစ်သည်။

အိန္ဒိယ ဒုံးပျံ ကာကွယ်ရေး စနစ် အဆင့်မြှင့်တင် ဆောင်ရွက်လျက်ရှိ

နယူးဒေလီ   ဇွန်   ၁၇

အိန္ဒိယ နိုင်ငံသည် ဒုံးပျံကာကွယ်ရေး စနစ်ကို အဆင့်မြှင့်တင်ရန် အတွက် အကွာအဝေး ကီလိုမီတာ ၅ဝဝဝ မှ ပျံသန်းလာသည့် ရန်သူ့ ဒုံးကျည်များကို ကြားဖြတ်တိုက်ခိုက် နိုင်စွမ်းရှိသော ဒုံးကျည်များ တိုးမြှင့်

ထုတ်လုပ်ရန် ကြိုးပမ်း ဆောင်ရွက်လျက်ရှိကြောင်း သိရ သည်။ အဆိုပါ ဒုံးကျည်များကို အိန္ဒိယနိုင်ငံ၏ ကာကွယ်ရေး ဆိုင်ရာ သုတေသနနှင့် ဖွံ့ဖြိုး တိုးတက်ရေးအဖွဲ့ (DRDO) က တာဝန်ယူ ဆောင်ရွက်လျက်ရှိပြီး ပဲ့ထိန်းဒုံးပျံ ကာကွယ်ရေး အစီအစဉ် (BMD) ၏ တစ်စိတ်တစ်ပိုင်း အဖြစ် အကောင်အထည်ဖော် ဆောင်ရွက် နေခြင်း ဖြစ်ကြောင်း (DRDO) အဖွဲ့၏ ဥက္ကဋ္ဌ အဗီးနက်ရ်ှချန်ဒါက ဇွန် ၁၆ ရက်တွင် ပြောကြားခဲ့သည်။ (DRDO) အနေဖြင့် ပဲ့ထိန်းဒုံးကျည် ကာကွယ်ရေး အစီအစဉ်အတွက် ပထမအဆင့်ကို  အောင်မြင်စွာ လုပ်ဆောင်နိုင်ပြီ ဖြစ်ကြောင်းနှင့် ၎င်းအဆင့်တွင် ပါဝင်သော   ဒုံးခွင်းဒုံးများသည် အကွာအဝေး ကီလိုမီတာ ၂ဝဝဝ မှ ပျံသန်းလာသည့် ရန်သူ့ ဒုံးကျည်များကို ကြားဖြတ် တိုက်ခိုက်နိုင် စွမ်းရှိကြောင်း သိရသည်။ (DRDO) သည် ပဲ့ထိန်းဒုံးကျည် ကာကွယ်ရေး အစီအစဉ်၏ ဒုတိယ အဆင့်ကို အကောင်အထည် ဖော်ဆောင်ရွက်နိုင်ရန် စီစဉ် ဆောင်ရွက်လျက် ရှိကြောင်းနှင့် ဒုတိယ အဆင့်တွင် ပါဝင်သည့် ပဲ့ထိန်းဒုံးကျည် များသည် အကွာအဝေး ကီလိုမီတာ ၅ဝဝဝ မှ ပျံသန်းလာသည့် ရန်သူ့ပဲ့ထိန်း ဒုံးကျည်များကို ကြားဖြတ် တိုက်ခိုက်နိုင် စွမ်းရှိမည် ဖြစ်ကြောင်း သိရသည်။   

G-Dragon ၏ ဖျော်ဖြေပွဲတွင် 2NE1 အဖွဲ့ ပါဝင် ဖျော်ဖြေမည်

ဆိုးလ်   ဇွန်   ၁၇

တောင်ကိုရီးယား K-pop ဂီတ အဖွဲ့တစ်ဖွဲ့ဖြစ်သော 2NE1 အဖွဲ့သည် ဇွန် ၂၉ ရက်နှင့် ၃ဝ ရက်တွင် ကျင်းပမည့် အဆိုတော် G-Dragon ၏ တစ်ကိုယ်တော် ဖျော်ဖြေပွဲတွင် ပါဝင် ဖျော်ဖြေ သွားမည်ဟု သိရသည်။

Big-bang အဖွဲ့မှ ခေါင်းဆောင် တစ်ဦးဖြစ်သူ G-Dragon ၏ တစ်ကိုယ်တော် ဖျော်ဖြေပွဲအား ဂျပန်နှင့် ထိုင်းနိုင်ငံတို့တွင် ကျင်းပသွားမည် ဖြစ်သည်။ 2NE1 အဖွဲ့သည် G-Dragon ၏ဖျော်ဖြေပွဲ၌ ပါဝင် ဖျော်ဖြေမှုသည် ပထမဆုံး အကြိမ် ဖြစ်ကြောင်း YG အနုပညာ အေဂျင်စီ၏ ပြောကြားချက်အရ သိရသည်။ G-Dragon ၏ ကမ္ဘာလှည့် ဖျော်ဖြေပွဲ လက်မှတ်အား အမေရိကန် ဒေါ်လာ ၁၆၈ ဒေါ်လာ၊ ၁၈၈ ဒေါ်လာ၊ ၂ဝ၈ ဒေါ်လာတို့ဖြင့် ရောင်းချနေပြီ ဖြစ်သည်။      

ခွင့်ပြုချက် မရှိဘဲ ပန်းပုရုပ်ကို သီချင်း ဗီဒီယိုတွင် ထည့်ရိုက်မိသဖြင့် လေဒီဂါဂါ တရားစွဲဆို ခံရ

လော့စ်အိန်ဂျလိစ်   ဇွန်   ၁၇

ကမ္ဘာကျော်ပေါ့ပ် အဆိုတော် လေဒီဂါဂါသည် နာမည်ကြီး ပြင်သစ် လက်မှုပညာရှင် တစ်ဦး၏ ပန်းပုဓာတ်ပုံကို ခွင့်ပြုချက် မယူဘဲ အသုံးပြုမိသည့် အတွက် ၎င်းလက်မှု ပညာရှင်၏ တရားစွဲဆိုမှုကို ခံနေရကြောင်း သိရသည်။

အသက် ၆၆ နှစ် အရွယ်ရှိပြီ ဖြစ်သည့် ပြင်သစ် လက်မှုပညာရှင် အော်လန်သည် လေဒီဂါဂါအား သူမ၏ No.1 တေးအယ်လ်ဘမ်ထဲ၌ သူ၏ လက်ရာ ပန်းပုရုပ်ကို ထည့်သွင်း ရိုက်ကူးထားကြောင်း အခိုင်အမာ ပြောကြားခဲ့သည်။ ယခုကဲ့သို့ ပန်းပုပညာရှင်၏ ခွင့်ပြုချက်ကို မရယူဘဲ အသုံးပြုသည့်အတွက် အော်လန်က လေဒီဂါဂါထံမှ စတာလင်ပေါင် သန်း ၂ဝ တောင်းခံခဲ့ကြောင်း အင်တာနက် သတင်းများအရ သိရသည်။           

စွန့်ပစ်အမှိုက် စီမံခန့်ခွဲမှု ပုဂ္ဂလိကသို့ လွှဲပြောင်းရန် အချိန်လိုအပ် နေသေးဟုဆို

ရန်ကုန် ဇွန်  ၁၇

မြို့တော် မဟာရန်ကုန်၏ မြို့ပြဖွံ့ဖြိုးမှု မဟာဗျူဟာ စီမံကိန်းများ ရေးဆွဲ ဆောင်ရွက်ခြင်းကို  ရန်ကုန်မြို့တော် စည်ပင် သာယာရေး ကော်မတီက ဆောင်ရွက်နေသည်နှင့် အညီ စွန့်ပစ် အမှိုက် စီမံ ခန့်ခွဲ မှုသည်လည်း

ပတ်ဝန်းကျင် ထိန်းသိမ်းရေးနှင့် မြို့တော် သန့်ရှင်းသာယာ လှပရေး အတွက် အဓိက ကျသည့် အခန်းကဏ္ဍ ဖြစ်သဖြင့် ယင်းစီမံ ခန့်ခွဲမှုကို ပုဂ္ဂလိကသို့ လွှဲပြောင်းရန် အချိန် လိုအပ်နေသေး ကြော င်း ပတ်ဝန်းကျင် ထိန်းသိမ်းရေးနှင့် သန့်ရှင်းရေး ဌာနမှ သိရသည်။ စွန့်ပစ် အမှိုက် စီမံခန့်ခွဲမှု အတွက် ရန်ကုန်မြို့တော် စည်ပင်သာယာရေး ကော်မတီတွင် သုံးစွဲနေသည့် ဥပဒေနှင့် နည်းဥပဒေများ ၌ ပုဂ္ဂလိကသို့ လွှဲပြောင်းပေးရန် ပါရှိပြီးဖြစ်ကြောင်း၊ သို့သော် ပုဂ္ဂလိက  လွှဲပြောင်းမှုဟု ဆိုရာ၌ အမှိုက် စီမံ ခန့်ခွဲမှုကို ယင်းတို့ တာဝန်ယူပါက စွန့်ပစ်အမှိုက် ကောက်ယူ၊ သိမ်းဆည်း၊ သယ်ယူ၊ စွန့်ပစ်ခြင်း အဆင့်များ ရှိသဖြင့် ယင်းအဆင့်များကို  လက်ရှိ စည်ပင်သာယာရေး ကော်မတီက ဆောင်ရွက်နေပြီး ဆောင်ရွက်ရာ၌ လေးကျပ် ကုန်ကျသည့် စရိတ်ကို ကော်မတီမှ တစ်ကျပ်ရ၊ သုံးကျပ်စိုက် စနစ်ဖြင့် ဆောင်ရွက် နေရသဖြင့် ပုဂ္ဂလိကမှ အကျိုးအမြတ်ကြောင့် လုပ်ဆောင်နိုင်ခြင်းရှိ၊ မရှိကို စောင့်ကြည့် ရဦးမည်ဖြစ်၍ အချိန် တစ်ခု လိုအပ် နေသေးကြောင်း ပတ်ဝန်းကျင် ထိန်းသိမ်းရေးနှင့် သန့်ရှင်းရေး ဌာနမှ ဌာနမှူး ဦးသန်းလွင်က ပြောကြားခဲ့သည်။ ၎င်းက ဆက်လက်၍ ''လက်ရှိ ရန်ကုန်မြို့မှာ ပြည်သူလူထု ဆီကနေပြီး အိမ်ထွက် အမှိုက်တွေကို သိမ်း ဆည်း ကောက်ခံရာမှာ တစ်တန်ကို စည်ပင်က သိမ်းလိုက်ရရင် အိမ်တွေကနေ ရတဲ့ ငွေက ငွေကျပ် ၄ဝဝဝ ပဲရှိတယ်။ စည်ပင်က တာဝန်ယူပြီး စီမံ ခန့်ခွဲရတဲ့ ကုန်ကျစရိတ်က တစ်တန်ကို ငွေကျပ် ၁၈ဝဝဝ ကျော်အထိ ကုန်ကျနေတယ်။ လူထု ဆီကနေ တစ်ကျပ်ရတယ် ဆိုရင် စည်ပင်ကနေ ပြား ၃ဝ ကို စိုက်ပေးနေရတော့ ပုဂ္ဂလိကကို လွှဲပြောင်း ပေးလိုက်ပြီဆိုလို့ ရှိရင် သူတို့က စည်ပင် ဌာနက ဆောင်ရွက် နေတဲ့ဟာ အားလုံး သူအကုန် စီမံ ခန့်ခွဲရမယ်။ အဲဒီတော့ လက်ရှိ ကျွန်တော်တို့ ဆောင်ရွက် နေတဲ့ စနစ်က သုံးကျပ်ရှုံးနေတော့ ပုဂ္ဂလိကကို လွှဲတဲ့အခါ အဲဒီလို အကုန် ကျခံပြီး လုပ်မှာ မဟုတ်ဘူး။ အဲဒီတော့ အမှိုက် သိမ်းဆည်းခတွေ လက်ရှိထက် တိုးသွားနိုင်တယ်။ ဒါဆိုရင် အဲဒီ ဝန်ဆောင်ခနှုန်း တိုးသွားတာက လူထုဆီ ရောက်သွားမှာ ဖြစ်တဲ့အတွက် အဲဒီ အခြေအနေ တွေကြောင့်  ပုဂ္ဂလိက လွှဲပြောင်းဖို့ အခြေအနေကို စောင့်နေတာပါ'' ဟု ပြောကြားခဲ့သည်။ ယခုနှစ် မတ်လမှ စတင် ရေးဆွဲခဲ့သည့် မြို့တော် မဟာရန်ကုန် မြို့ပြဖွံ့ဖြိုးမှု မဟာဗျူဟာ စီမံကိန်း၌ အမှိုက် စွန့်ပစ်ရေး လုပ်ငန်း စီမံ ခန့်ခွဲမှု ဖွံ့ဖြိုးရေး အတွက် စွန့်ပစ်ပစ္စည်းများ လျှော့ချခြင်း၊ ပြန်လည် အသုံးပြုခြင်းနှင့်  ပြုပြင် သုံးစွဲခြင်း စသည့် 3R မူဝါဒနှင့် လုပ်ငန်း အကောင် အထည်ဖော် ဆောင်ရွက်မှုများဖြင့် စဉ်ဆက်မပြတ် ဖွံ့ဖြိုးသော မြို့တည် ဆောက်ရန် အဆင့်သုံးဆင့် သတ်မှတ် ရေးဆွဲထားသည်။ ပထမ အဆင့် အနေဖြင့် အမှိုက် စွန့်ပစ်မှု စနစ်အား ပိုမို ကောင်း မွန်စေရေး အတွက် စနစ်တကျ ကွပ်ကဲ ကြပ်မတ်ရေး အပြင် ဒုတိယ အဆင့် အနေဖြင့် အမှိုက် ထွက်ရှိမှုနှင့် 3R စနစ်အား ထိန်းချုပ်ရေး (စွန့်ပစ်ပစ္စည်းများ လျှော့ချခြင်း၊ ပြန်လည် အသုံးပြု ခင်း၊ ပြုပြင်သုံးစွဲခြင်း)၊တတိယ အဆင့် အနေဖြင့် နည်းပညာ၊ စီးပွားရေး၊ လူမှုရေး၊  သဘာဝ ပတ်ဝန်းကျင်ရေးရာ ရှုထောင့်များမှ တစ်ဆင့် အမှိုက်စွန့်ပစ်ရေး လုပ်ငန်းများကို အချိုးညီစွာ အသုံးပြုေ ရး၊ ရန်ကုန်မြို့တော် စည်ပင်သာယာရေး ကော်မတီမှ စီးပွားရေး လုပ်ငန်းများနှင့် ပတ်ဝန်းကျင် တစ်ဝိုက် နေထိုင် ကြသူများ ထံမှ စွန့်ပစ်အမှိုက်များ စုစည်းခြင်း၊ အမှိုက်စုဆောင်း ရရှိမှု ပမာဏ သည်၂ဝ၄ဝ ပြည့်နှစ်တွင် တစ်ရက်လျှင် တန် ၁၄ဝဝဝ ဖြစ်လာနိုင်ကြောင်း စီမံကိန်း ရေးဆွဲမှု၌ ထည့်သွင်း ဖော်ပြထား သည်။

ယာဉ်တိုက်မှု လျော့သော်လည်း သေဆုံး ဒဏ်ရာရမှု တိုးနေ

ရန်ကုန်   ဇွန်   ၁၇

ရန်ကုန်တိုင်း ဒေသကြီးအတွင်း ပြေးဆွဲနေသော ခရီးသည်တင် ယာဉ်လိုင်းများတွင် ယာဉ်တိုက်မှု အကြိမ် လျော့သော်လည်းသေဆုံး ဒဏ်ရာရမှုများ တိုးပွားနေကြောင်း မော်တော်ယာဉ် လုပ်ငန်းပေါင်းစုံ ထိန်းသိမ်း ရေးကြီးကြပ်မှု ကော်မတီ (ဗဟို) မှ ၂ဝ၁၂ ခုနှစ် မေလနှင့် ၂ဝ၁၃ ခုနှစ် မေလ နှိုင်း ယှဉ်ထုတ်ပြန်သော စာရင်းများအရ သိရသည်။

၂ဝ၁၂ ခုနှစ် မေလတွင် ခရီးသည်တင် ယာဉ်လိုင်းများ၌ ယာဉ်တိုက်မှု ၁၆ ကြိမ်၊ ယာဉ်တိမ်းမှောက်မှု ငါးကြိမ် ဖြစ်ပွားကာ ခုနစ်ဦး သေဆုံးပြီး ၇၇ ဦး ဒဏ်ရာရရှိသည်။ ၂ဝ၁၃ ခုနှစ် မေလတွင် ရေယာဉ်နစ်မြုပ်မှု အပါအ ဝင်ယာဉ်တိုက်မှု ၁၄ ကြိမ်၊ ယာဉ်တိမ်းမှောက်မှု ငါးကြိမ် ဖြစ်ပွား၍ ကိုးဦး သေဆုံးကာ  ၉၆  ဦး ဒဏ်ရာရရှိခဲ့ ကြောင်း သိရသည်။

CLMV နိုင်ငံများမှ နိုင်ငံ့ဝန်ထမ်း သင်တန်း ဆရာများ လေ့ကျင့် သင်ကြားရေး သင်တန်း ဖွင့်ပွဲ ကျင်းပ

ရန်ကုန် ဇွန် ၁၇

ပြည်ထောင်စု ရာထူးဝန် အဖွဲ့၏ ကြီးကြပ်စီမံမှုနှင့် ကုလသမဂ္ဂ ဖွံ့ဖြိုး တိုးတက်မှု အစီအစဉ်၏ ပံ့ပိုး ကူညီမှုဖြင့် CLMV နိုင်ငံများမှ နိုင်ငံ့ ဝန်ထမ်း သင်တန်းဆရာများ လေ့ကျင့် သင်ကြားရေး သင်တန်း ဖွင့်ပွဲ အခမ်းအနားကိုယမန်နေ့ ညနေ ၆ နာရီက  ရန်ကုန်မြို့ Park Royal Hotel ၌ ကျင်းပရာ ပြည်ထောင်စု ရာထူးဝန် အဖွဲ့ဥက္ကဋ္ဌ ဦးကျော်သူက သင်တန်းဖွင့် အမှာစကား ပြောကြား ရာတွင် မြန်မာနိုင်ငံ ၌  ပြည်ထောင်စု ရာထူးဝန် အဖွဲ့ အနေဖြင့် နိုင်ငံ့ဝန်ထမ်း သင်တန်းဆရာများ   လေ့ကျင့် သင်ကြားရေး ဆိုင်ရာ အာဆီယံ လူ့စွမ်းအား ဗဟိုဌာန (ASEAN Resource Centre for Training of Trainers  for  Civil   Service)  ကို အစိုးရအဖွဲ့၏ သဘောတူ ခွင့်ပြုချက် ဖြင့် ၂ဝဝ၄ ခုနှစ် သြဂုတ် ၄ ရက်မှ   စတင် တည်ထောင် ခဲ့သည်။ အဆိုပါ မြန်မာနိုင်ငံ အာဆီယံလူ့စွမ်းအားဗဟို ဌာန (ARC)၏ လုပ်ငန်း အကောင်အထည်ဖော် ဆောင်ရွက်မှု အနေဖြင့် ဗဟိုဝန်ထမ်း တက္ကသိုလ်များမှ သင်တန်း နည်းပြဆရာများ အရည်အသွေး မြှင့်တင်ရန် အလုပ်ရုံ ဆွေးနွေးပွဲများ ကျင်းပခြင်း၊ သင်တန်းများ ဖွင့်လှစ် ပို့ချပေးခြင်း၊ ပြည်ထောင်စု ရာထူးဝန် အဖွဲ့ ကြီးကြပ် ကွပ်ကဲမှု အောက်ရှိ    ဦးစီးဌာန များနှင့် တက္ကသိုလ်များ၊ ဝန်ကြီးဌာန အဖွဲ့အစည်းများရှိ သင်တန်းကျောင်း များမှ သင်တန်း နည်းပြ ဆရာများ အတွက် လေ့ကျင့် သင်ကြားပေးခြင်း တို့ကို ဆောင်ရွက်လျက် ရှိသည်။အဆိုပါ သင်တန်းသို့  မြန်မာနိုင်ငံမှ သင်တန်းသား ၁ဝ ဦး၊   ကမ္ဘောဒီးယား နိုင်ငံ၊ လာအိုနိုင်ငံနှင့်  ဗီယက်နမ် နိုင်ငံတို့မှ သင်တန်းသား ငါးဦးစီတို့ တက်ရောက် ကြပြီး သင်တန်း ကာလမှာ ငါးရက်ဖြစ်ကြောင်း သတင်း ရရှိသည်။   

မော်လမြိုင်ကျွန်းမြို့မှ ပညာထူးချွန်သူလေး

မော်လမြိုင်ကျွန်း   ဇွန်   ၁၇

ပညာထူးချွန်သော်လည်း ခြေလက်အင်္ဂါ မသန်စွမ်းသူ မထူးထူးထွေး ၁၁ နှစ်သည် ၂ဝ၁၂-၂ဝ၁၃ ပညာသင်နှစ် ကမော်လမြိုင်ကျွန်းမြို့ ရွှေပြည်အေး ဘုန်းတော်ကြီးသင် ပညာရေးကျောင်းမှ စတုတ္ထ တန်း အောင်မြင်ပြီး ယခု ၂ဝ၁၃- ၂ဝ၁၄ ပညာသင်နှစ်တွင် မော်လမြိုင်ကျွန်းမြို့ အမှတ် (၂) အခြေခံပညာ အထက်တန်း ကျောင်း၌ ပဉ္စမတန်းပညာ သင်ကြား လျက် ရှိသည်။

ဘဝပေး ကံကြမ္မာကြောင့် မထူးထူးထွေးသည် ဘယ်လက်တွင် လက်မနှင့်လက်သန်း လုံးဝမပါ၊ ဘယ်ခြေ ထောက် တွင် ခြေမနှင့်ခြေသန်း လုံးဝမပါ၊ ညာခြေထောက်တွင် ခြေမနှင့်ခြေလက်ညှိုး လုံးဝမပါသည့် အပြင် ဒူးခေါင်းအောက် တွင် ခြေသလုံး မရှိဘဲ အဆစ်တိုသူလေး ဖြစ်သည်။

သို့သော် မထူးထူးထွေးသည် ရွှေပြည်အေး ဘုန်းတော်ကြီးသင် ပညာရေး ကျောင်းတွင် သူငယ်တန်းမှ စတုတ္ထတန်း အထိ ပညာရည်ချွန် ဆုများနှင့် ပန်းချီထူးချွန် ဆုများ နှစ်စဉ် ရရှိခဲ့သူ ဖြစ်သည်။ ဘဝကို အရှုံးမပေးသည့် ပညာထူးချွန်သူလေး မထူးထူးထွေး အတွက် ပညာသင်စရိတ် လိုအပ်လျက်ရှိရာ ပညာပါရမီ ဖြည့်ဆည်း ထောက်ပံ့ လှူဒါန်းလိုပါက ဦးမြင့်အောင် (မော်ကျွန်း မြင့်အောင်) ဖုန်း-ဝ၉-၄၂၂၄၇၁ဝဝ၃၊ ဦးဟဲမင်းဝေ (သတင်းချစ်သူများ အဖွဲ့ ရန်ကုန်) ဖုန်း-ဝ၉-၄၂၁ဝ၄၁၉၂၈ တို့ထံ ဆက်သွယ် လှူဒါန်းနိုင် ကြောင်း သိရသည်။

လာမည့်နှစ်၌ ခါကာဘိုရာဇီ ရေခဲတောင်ထိပ်သို့ တက်ရောက်ရန် သဘာဝခေါ်သံ ဖောင်ဒေးရှင်းမှ စီစဉ် နေ

ရန်ကုန် ဇွန် ၁၇

လာမည့် ၂ဝ၁၄ ခုနှစ်တွင် သဘာဝခေါ်သံ ဖောင်ဒေးရှင်း တက္ကသိုလ်များ ခြေလျင်တောင်တက် အသင်းမှ ခါကာဘိုရာဇီ ရေခဲတောင်၏ တောင်ထိပ်သို့ တက်ရောက်ရန် ပြင်ဆင်မှုများ ပြုလုပ်နေေ ကြာင်း

သဘာဝခေါ်သံ ဖောင်ဒေးရှင်း ဥက္ကဋ္ဌ  ဦးမျိုးသန့်က ပြောကြားခဲ့သည်။ အရှေ့တောင် အာရှတွင် အမြင့်ဆုံး တောင် ဖြစ်သည့် ခါကာဘိုရာဇီ တောင်ထိပ်သို့ ဂျပန်လူမျိူးနှင့် မြန်မာတိဘက် လူမျိုး တို့ နှစ်ဦးသာ ပထမ အကြိမ် ရောက်ရှိခဲ့ကြပြီး  သဘာဝခေါ်သံ ဖောင်ဒေးရှင်းမှလည်း အမြင့်ပေ ၁၉၂၉၅ ပေရှိသည့်  အဆိုပါ တောင်၏ တောင်ခြေ ခရီးစဉ်သို့ ၂ဝ၁၂ ခုနှစ် ဇူလိုင်လ အတွင်းက သွားရောက် ခဲ့ကြသည်။ ၎င်း ခရီးစဉ် တွင် တောင်တက် အဖွဲ့သည်  အမြင့်ပေ ၁၃၇ဝဝ သို့ ရောက်ရှိ ခဲ့ကြသည်။ သို့သော် လာမည့် နှစ်တွင် လည်း တောင်ထိပ်သို့ တက်ရောက်ရန် တစ်နှစ်တာ ကြိုတင် ပြင်ဆင်နေကြောင်း သိရသည်။ ဆက်လက်၍   သဘာဝခေါ်သံ ဖောင်ဒေးရှင်း တက္ကသိုလ်များ ခြေလျင်တောင်တက် အသင်းက ယခုနှစ် ဇူလိုင် ၁၉ ရက်မှ ၂၂ ရက်အထိ မိုးရာသီ တောင် တက်ခရီးကြမ်း အဖြစ် မွန်ပြည်နယ် သထုံခရိုင် ဘီးလင်းမြို့နယ် ရက်ကန်း သည်မ ကျေးရွာ အတွင်းရှိ ဝေပုလ္လတောင်နှင့် ကေလာသတောင်တန်း ဒေသများသို့ သွားရောက်မည် ဖြစ်ပြီး၊ ဝေ ပုလ္လေ တာင်၏ တောင်ပေါ် တောကျောင်းများ၏ လျှပ်စစ်သွယ်တန်းရေး ကိစ္စ၌လည်း  ကူညီ ထောက်ပံ့ ပေးသွားမည်ဖြစ်သည်။ ထို့ပြင် သြဂုတ်လ အတွင်း၌လည်း ရန်ကုန်တိုင်း ဒေသကြီး လှည်းကူး မြို့နယ် ငါးဆူတောင်သို့ တစ်ညအိပ် ခရီးကြမ်းနှင့် ဒီဇင်ဘာ၌ ခါကာဘိုရာဇီ တောင်ထိပ် ခရီးစဉ် အကြို အနေဖြင့် ပူတာအို ခရိုင်ရှိ ပေ ၁၄ဝဝဝ ကျော်မြင့်သော ဖုန်ကန်ရာဇီ ရေခဲတောင်သို့ တက်ရောက် ရန် ရှိကြောင်း တက္ကသိုလ်များ ခြေလျင်တောင်တက် အသင်း သဘာဝခေါ်သံ ဖောင်ဒေးရှင်း ဥက္ကဋ္ဌ ဦးမျိုးသန့်က  ပြောကြားခဲ့သည်။

ပခုက္ကူမြို့ သီဟိုဠ်ရှင် ဗုဒ္ဓပူဇနိယ ပွဲတော်ကာလ နွယ်ငြိမ်းရွာထွက် စဥ့်ထည် ပစ္စည်းများ ရောင်းအားကောင်း လျက်ရှိ

ပခုက္ကူ   ဇွန်   ၁၇

ရွှေဘို-ကျောက်မြောင်းနယ် နွယ်ငြိမ်းရွာထွက် စဥ့်ထည် ပစ္စည်းများ ပခုက္ကူဒေသတွင် လူကြိုက်များ၍ ရောင်း အားကောင်းသောကြောင့်

နယုန်လ တစ်လလုံး ပွဲတော်ကျင်းပသော သီဟိုဠ်ရှင် ဗုဒ္ဓပူဇနိယ ဘုရားပွဲ သို့ စဥ့်ထည် ဈေးသည်များ နယုန်လဆန်း ရက်ကပင် ရောက်ရှိလာကြောင်း သိရသည်။

နွယ်ငြိမ်းရွာ စဥ့်ထည်ပစ္စည်းများအား ပခုက္ကူဒေသသာမက ယောနယ်တစ်ခွင် အသုံးတွင်သောေ ကြာင့် မော်တော် ကြီးများဖြင့် နှစ်စဉ် လာရောက် ရောင်းချကြသည်ဟု သိရသည်။ မကြာမီ အတွင်း က မြေငလျင် ဘေးသင့်ခဲ့သော စဥ့်ထည် လုပ်ငန်းရှင်များအား နိုင်ငံတော်မှ ဖိုကြီးတစ်ဖို ငွေကျပ် ဆယ့်ငါးသိန်း၊ ဖိုလေး တစ်ဖို ငွေကျပ် ဆယ်သိန်း ချေးမည်ဟု စဥ့်ထည် ဈေးသည်ကြီး တစ်ဦးက ပြောကြားသည်။ ပခုက္ကူရောက် စဥ့်ထည်ဈေးနှုန်းများမှာ ၁ဝ ပိဿာဝင် ငွေကျပ် ၂ဝဝဝ၊ ၁၅ ပိဿာဝင် ငွေကျပ် ၃၅ဝဝ၊ ၂၅ ပိဿာဝင်  ငွေကျပ် ၄၅ဝဝ၊ ပိဿာ ၅ဝဝင် ငွေကျပ် ၆၅ဝဝ၊ ပိဿာ ၁၅ဝ ဝင် ငွေကျပ် ၁၃၅ဝဝ ဈေးနှုန်း ရှိသည်။ ညောင်ရေအိုး ငွေကျပ် ၅ဝဝ၊ ဆေးလိပ်ခွက် ငွေကျပ် ၅ဝဝ၊ ငါးပိအိုး၊ ဆားအိုး ငွေကျပ် ၇ဝဝ၊ စဥ့်အင်တုံ ငွေကျပ် ၅ဝဝ မှ ၈ဝဝ၊ ငရုတ်ဆုံ ငွေကျပ် ၅ဝဝ မှ ၈ဝဝ၊ အလှဆင် တိုက်အတွင်းပိတ် ဆေးအိုး ငွေကျပ် နှစ်သောင်းခွဲမှ ငွေကျပ် တစ်သိန်းအထိ ရောင်းဝယ်ကြပြီး အနိမ့်ဆုံးပစ္စည်း တစ်ခုတန်ဖိုး ငွေကျပ် နှစ်ရာ ရှိသည်ဟု သိရသည်။ နွယ်ငြိမ်းရွာသည် အိမ်တိုင်းနီးပါး စဥ့်ထည် လုပ်ငန်းများကို ရိုးရာမပျက် လုပ်ကိုင်လျက် ရှိကြောင်း သိရသည်။

နေဦးမောင် (ပခုက္ကူ)

မော်တော်ယာဉ်သုံး မီးသတ်ဆေးဘူး ရောင်းအားကောင်းနေ

ရန်ကုန် ဇွန် ၁၇

မော်တော်ယာဉ်များတွင် ထားရှိရန် အရေးပေါ်သုံး မီးသတ်ဆေးဘူးများ ရောင်း အား ကောင်းေ နကြောင်း ဈေး ကွက် အတွင်းမှ စုံစမ်း သိရသည်။ ယင်းကဲ့သို့ ရောင်းအား ကောင်းနေခြင်းမှာ ကုန်း လမ်း

ပို့ဆောင်ရေး ညွှန်ကြားမှု ဦးစီးဌာန (မြန်မာနိုင်ငံ အထက်ပိုင်း)၏ ကြေညာချက် ထုတ်ပြန်ခြင်းနှင့် ဆက်စပ်မှု ရှိနေသကဲ့ သို့ မကြာမီက ဖြစ်ပွားခဲ့သော မန္တလေး-ပြင်ဦးလွင် ကားလမ်းပေါ်ရှိ ကား မီးလောင်မှု များနှင့်လည်း ဆက်စပ် နေကြောင်း သိရသည်။ ဇွန်လဆန်းပိုင်း ခန့်က မန္တလေး-ပြင်ဦးလွင် ကားလမ်းမပေါ်တွင် ပရိုဘောက် ကားနှစ်စီးနှင့် ဟွန်ဒါဖစ် ကားတစ်စီးတို့ အင်ဂျင်အပူ လွန်ကဲကာ မီးလောင်မှု ဖြစ်ပေါ်ခဲ့သည့် ဖြစ်စဉ်ကြောင့် ယခုကဲ့သို့ မော်တော်ယာဉ် ပိုင်ရှင်များက မော်တော်ယာဉ်သုံး မီးသတ် ဆေးဘူးများ ထားရှိလာကြခြင်း ဖြစ်သည်ဟုလည်း မြန်မာနိုင်ငံ အထက်ပိုင်း ဒေသများမှ ယာဉ်ပိုင်ရှင်များထံက သိရသည်။ အဆိုပါ ဖြစ်စဉ်ကြောင့် မြန်မာနိုင်ငံ အထက်ပိုင်း ဒေသ သာမက မြန်မာနိုင်ငံ အောက်ပိုင်း ဒေသရှိ မြို့ကြီးများမှ ယာဉ်ပိုင်ရှင်များ က လည်း မော်တော်ယာဉ်သုံး မီးသတ် ဆေးဘူးများကို ဝယ်ယူ လာကြသည်ဟုလည်း   မီးသတ်ဆေးဘူး အရောင်းဆိုင်များက ပြောကြားခဲ့သည်။ ယာဉ်များတွင် တပ်ဆင်ရန် မီးသတ်ဆေးဘူး နှုန်း ထားများမှာ တစ်ကီလိုဂရမ် တစ်ဘူးလျှင် ငွေကျပ် ၉ဝဝဝ၊ နှစ်ကီလိုဂရမ် တစ်ဘူးလျှင် ငွေကျပ် ၁၂ဝဝဝ၊ သုံးကီလိုဂရမ် တစ်ဘူးလျှင် ငွေကျပ် ၁၅ဝဝဝ ရှိပြီး တစ်ခါသုံး ဆေးဘူးများကို ငွေကျပ် ၄၅ ဝဝ ခန့်ဖြင့် ဝယ်ယူနိုင်ကြောင်း သိရသည်။          ဇာနည်မောင်